Jarty jyl ishinde mopedti tirkeýge qoımaǵandarǵa qandaı jaza qarastyrylǵan

<p>ASTANA. KAZINFORM &ndash; QR Іshki ister mınıstriniń orynbasary Igor Lepeha mopedin memlekettik tirkeýge qoımaǵandarǵa aıyppul salynatynyn aıtty.</p>

Búgin Senattyń jalpy otyrysynan keıin tilshiler mopedterdi terkeýge qansha ýaqyt beriletinin surady. I.Lepehanyń aıtýynsha, zańǵa Prezıdent qol qoıyp, qujat alǵash resmı jarııalanǵan kúnnen keıin 6 aı ishinde tirkeýge qoıý kerek.

«Jarty jyl ýaqyt beriledi, ıaǵnı osy aralyqta memlekettik tirkeýge qoıyp úlgerý kerek. Qazir bir aıdyń ishinde tıisti quqyqtyq bazany, buıryqtardy pysyqtap shyǵamyz. Sodan keıin tirkeýge qoıý týraly jarııalaımyz. Berilgen jarty jylda tirkelip úlgermese, bul mopedterdi toqtatyp, aıypturaqqa jetkizemiz. Onyń ıesi kóligin tirkegennen keıin ǵana turaqtan alady», - dedi Іshki ister mınıstriniń orynbasary.

Onyń aıtýynsha, zań alǵash resmı jarııalanǵan kúnnen bastap jarty jyl boıy polıtseıler moped júrgizýshilerine kóligin tirkeýge qoıý týraly túsindiredi.

«Osy 6 aıda mopedti tirkemeı, nómirsiz júrgenderge aıyppul salynady. ıAǵnı nómirsiz jolǵa shyqqan avtokólik ıeleri sııaqty jazaǵa tartylady», - dedi Igor Lepeha.