Jarna tóleý tártibi alynyp tastalǵan soń elimizde advokattar sany 5 myńǵa jetti

ASTANA. QazAqparat - Advokat mamandyǵyna qol jetkizý jumysyn qıyndatqan advokattar alqasyna kirý jarnalary joıylǵan bolatyn. Bul ózgeristiń arqasynda elimizde tek jarty jyl ishinde advokattardyń sany shamamen 400-ge artqan, dep habarlaıdy QazAqparat tilshisi.

QR Ádilet mınıstri Marat Beketaevtyń tóraǵalyǵymen ótip jatqan Ádilet mınısrliginiń alqa otyrysynda Ádilet mınıstriniń orynbasary Janat Eshmaǵambetov baıandama jasady. Óz baıandamasynda vıtse-mınıstr keshendi advokattyq qyzmet kórsetý jáne quqyqtyq kómek kórsetý júıesin jetildirý boıynsha 2018 jyly «Advokattyq qyzmet jáne zań kómegi týraly» zań qabyldanǵanyn eske saldy.

«Advokat mamandyǵyna qol jetkizý jumysyn qıyndatqan advokattar alqasyna kirý jarnasy joıyldy. Máselen, sońǵy tórt jyldyń ishinde advokattyq qoǵamdastyq músheleriniń sany keminde 300 adamǵa ǵana artqan edi. Al zań qabyldanǵan sátten bastap tek jarty jyl ishinde olardyń sany shamamen 400-ge kóbeıip, qazirgi ýaqytta advokattardyń sany 5 100 adamǵa jetti», - dedi vıtse-mınıstr.

Janat Eshmaǵambetov óz baıandamasynda atap ótkendeı, alqa basshylyǵyna advokattardyń negizsiz táýeldiligin týǵyzyp otyrǵan advokattyq orderler taratylǵan.

Búginde advokattyń ókilettikteri boıynsha óz betinshe naqty isti júrgizý úshin kýáligimen rastalady jáne qorǵaý týraly (ókildik) jazbasha habarlamamen rastalady.

Eske sala ketsek, Memleket basshysy azamattarǵa zań kómegin kórsetý salasyndaǵy zańnamany jetildirýge baǵyttalǵan «Advokattyq qyzmet jáne zań kómegi týraly» Qazaqstan Respýblıkasynyń Zańyna ótken jyldyń shilde aıynda qol qoıǵan bolatyn.