Jármeńke: Tarazda azyq-túlik 10-15 paıyz tómen baǵada satyldy

TARAZ. QazAqparat – Taraz qalasyndaǵy «Grand bazaar» saýda kesheniniń ǵımaratynda ótkizilgen aýyl sharýashylyǵy ónimderiniń jármeńkesine bul joly Jambyl, T.Rysqulov aýdandary men Taraz qalasynyń aýyl sharýashylyǵy taýar óndirýshileriniń ónimi jetkizildi, dep habarlaıdy QazAqparat tilshisi.

Jármeńke barysynda 8,5 mıllıon teńgeni quraıtyn 56,9 tonna aýyl sharýashylyǵy taýarlary naryq baǵasynan 10-20 paıyzǵa tómen baǵamen ótkerildi.

Máselen, jylqy eti - 1950, sıyr eti - 1900, qoı eti - 1800, taýyq eti - 750 teńge, sút ónimderi túrlerine qaraı 180-240 teńge jáne jemis- jıdek pen kókókónis ónimderi 70-260 teńge aralyǵynda saýdalandy.

Sondaı-aq, onda alǵash ret Rysqulov aýdanyndaǵy Qulan agrotehnıkalyq joǵary kolledjiniń jylyjaıynda ósirilgen qııar ónimi usynyldy.

«Jalpy jármeńkede 4,1 tonna et, 1,0 tonna shujyq ónimderi, 3,0 tonna sút ónimderi, 9 myń dana jumyrtqa, 2,5 tonna sary maı, 0,5 tonna ósimdik maıy, 0,2 tonna kondıterlik ónimder men 2,5 tonna makaron ónimderi, 0,5 tonna qaraqumyq, 0,5 tonna kúrish, 0,1 tonna tuz, 0,3 tonna balyq, 4 tonna qant, 8 tonna un, 0,4 tonna bal jáne 29,3 tonna jemis-jıdek pen kókónis ónimderi ótkerildi» delingen oblystyq aýyl sharýashylyǵy basqarmasynyń habarlamasynda.