Jarma aýdanynyń ákimi taǵaıyndaldy
Nýrlan Mýhametrakymuly Borsýkbaev 1975 jyly Semeı qalasynda dúnıege kelgen. 1997 jyly Semeı memlekettik ýnıversıtetin «Agroónerkásiptik keshendegi ekonomıka jáne menedjment» mamandyǵy boıynsha, 2006 jyly «Qaınar» ýnıversıtetin «Quqyqtaný» mamandyǵy boıynsha támamdaǵan.
Eńbek jolyn 1997 jyly Semeı qalasynyń salyq ınspektsııasynyń mamany retinde bastaǵan. 1999 jyldan 2006 jylǵa deıin Semeı qalasy boıynsha Salyq komıtetinde salyq ınspektorynan bastap uıymdastyrý jumysy bóliminiń bastyǵyna deıin túrli laýazymdarda qyzmet atqardy.
2006 jyly Shyǵys Qazaqstan oblysy Salyq komıteti óndiristik emes tólemder basqarmasynyń shaǵyn jáne orta kásipkerlik sýbektilerimen jumys bóliminiń bastyǵy bolyp taǵaıyndaldy.
2008 jyldyń naýryz-maýsym aılary aralyǵynda Salyq komıtetiniń Borodýlıha aýdany boıynsha salyq eseptiligin qabyldaý jáne óńdeý bólimin basqardy.
2008-2017 jyldar aralyǵynda Semeı qalasy boıynsha Salyq komıtetinde tirkeý bóliminiń basshysy, jeke tulǵalardyń salyqtyq aýdıti bóliminiń, uıymdastyrý jumystary bóliminiń bastyǵy qyzmetterin atqarǵan.
2017 jyldyń tamyz aıynan 2018 jyldyń maýsym aıyna deıin Besqaraǵaı aýdany boıynsha memlekettik kirister basqarmasyn basqardy, keıinnen aýdan ákiminiń orynbasary bolyp taǵaıyndaldy.
2020 jyly «Smart concept» JShS dırektory laýazymyna aýysyp, 2023 jylǵa deıin jumys istedi. 2023 jyldan qazirgi taǵaıyndalǵanǵa deıin Abaı oblysy boıynsha tekserý komıssııasy apparatynyń basshysy bolyp qyzmet atqardy.