Jarkentte memlekettik til máselesi talqylanǵan jıyn ótti
Almaty oblysy Tilderdi damytý basqarmasynyń basshysy Aıdar Bashbaevtyń tóraǵalyǵymen ótken bul jıynda til máselesi egjeı-tegjeıli talqylandy.
A. Baıtursynuly atyndaǵy Til bilimi ınstıtýtynyń jetekshi ǵylymı qyzmetkeri, fılologııa ǵylymynyń kandıdaty Janar Jumabaeva «Rýhanı jańǵyrý: memlekettik tildiń mańyzy men mártebesi», al Nazıra Ámirjanova «Ulttyq jazý: grafıkalyq jáne orfografıkalyq ereksheligi» degen taqyryptarda baıandama jasady.
Aýdan ákiminiń orynbasary R.Maǵrýpova memlekettik tildiń qoldaný aıasyn keńeıtý baǵytyndaǵy atqarylatyn sharalarǵa toqtaldy.
Budan bólek, aýdandyq til janashyrlary, atap aıtqanda, aýdandyq «Qazaq tili» qoǵamdyq birlestiginiń tóraǵasy I. Úrkimbaıuly, № 6 orta mekteptiń bastaýysh synyp muǵalimi E. V. Bondartseva, Rozybakıev atyndaǵy orta mekteptiń qazaq tili men ádebıeti pániniń muǵalimi Z. B. Satybaldıeva, Eltindi batyr atyndaǵy orta mekteptiń tarıh pániniń muǵalimi M. M. Soltanaev, taǵy basqa da til janashyrlary talqylaý arqaýyna aınalǵan máseleler jóninde ózderiniń oı-pikirlerin ortaǵa saldy.
Aıta keteıik, Prezıdent Qasym-Jomart Toqaev óziniń «Syndarly qoǵamdyq dıalog - Qazaqstannyń turaqtylyǵy men órkendeýiniń negizi» atty Joldaýynda memlekettik til máselesin kótergen bolatyn.
«Qazaq tiliniń memlekettik til retindegi róli kúsheıip, ultaralyq qatynas tiline aınalatyn kezeńi keldi dep esepteımin. Biraq, mundaı dárejege jetý úshin bárimiz dańǵaza jasamaı, jumyla jumys júrgizýimiz kerek. Sondaı-aq, til úlken saıasattyń quraly ekenin de umytpaǵanymyz jón», - degen edi Prezıdent.