«Jarııa» jýrnalıster klýby jastardyń saıası belsendiligi máselesin talqylady
Klýb múshesi Gúlmıra Tájmaǵambetovanyń sózine qaraǵanda, búginde Almaty, Astana jáne taǵy basqa iri qalalardaǵy jastardyń saıası belsendiligi erekshe baıqalady Basqa oblys ortalyqtarynda bul kórsetkish óspese de, tómendep jatqan joq. «Degenmen, jastardyń saıası belsendiligi máselesin tys qaldyrmaý qajet. Sebebi statıstıka málimetteri kórsetip otyrǵandaı, 2005 jyly ótken prezıdenttik saılaýǵa jastardyń tek 23,2 paıyzy ǵana qatysyp, ózderiniń azamattyq boryshtaryn oryndady. Menińshe, jastardyń eldegi saıası úderisterge qatyspaı jatýdyń birneshe sebebi bar. Birinshiden, keıbir jastar memlekettegi saıası úderisterge atústi qarap, ózderiniń qosar úlesterin sezbeı jatady. Ekinshiden, olar eldiń saıası ómirinen tolyqqandy habardar bolmaıdy, sondyqtan naqty sheshimderin jasaı almaıdy. Sol sebepti jastar saılaý naýqanyna qyzyqpaı, ózderiniń saıası belsendilikterin tanytpaı otyrady», - deıdi G.Tájmaǵambetova.
Sondaı-aq G.Tájmaǵambetova atap kórsetkendeı, elimizdegi qoǵamdyq uıymdar jastardyń áleýmettik rólin arttyryp qana qoımaı, olardyń saıası belsendiligin kóterýge kómektesip keledi. 2004 jyly elimizde 180-ge jastar uıymdary bolsa, qazirgi kezde olardyń sany 700-ge deıin jetti. «Osy uıymdardyń barlyǵy jumys istemese de, bul jastardyń saıası belsendiliginiń kóterilgendigin kórsetse kerek», - deıdi ol.