Jarııa-quqyqtyq daýlardyń jekelegen sanattary Ákimshilik-rásimdik protsestik kodekske kóshiriledi

ASTANA. QazAqparat – Qazaqstanda jarııa-quqyqtyq daýlardyń jekelegen sanattary Azamattyq protsestik kodeksinen Ákimshilik-rásimdik protsestik kodekske kóshiriledi, dep habarlaıdy QazAqparat Ádilet mınıstrliginiń resmı saıtyna silteme jasap.

Bul týraly Ádilet mınıstri Azamat Esqaraev GIZ halyqaralyq yntymaqtastyq jónindegi German qoǵamynyń basshysy, Berlındik sýdıa, ákimshilik sottar sýdıalary Odaǵynyń múshesi Iorg Pýdelka, sondaı-aq ǵylymı qoǵamdastyqtyń, ýákiletti memlekettik organdardyń ókilderi qatysqan konferentsııada jarııalady.

Ádilet mınıstri Memleket basshysynyń 2022 jylǵy 1 qyrkúıektegi «Ádiletti memleket. Birtutas Ult. Berekeli Qoǵam» Qazaqstan halqyna Joldaýyn iske asyrý maqsatynda ótken jyldan bastap ákimshilik ádilet salasyn odan ári jetildirý jáne keńeıtý boıynsha jumys bastalǵanyn atap ótti.

Ádilet mınıstrligi jekelegen sanattardy Azamattyq protsestik zańnamasynan Ákimshilik-rásimdik protsestik kodekske (budan ári – ÁRPK) kóshirýdi («Normatıvtik quqyqtyq aktiniń zańdylyǵyna daý aıtý týraly ister boıynsha is júrgizý» 30-taraýyn kóshirýdi qosa) kózdeıtin zań jobasyn ázirlegen.

Sondaı-aq, Ádilet mınıstrligi ákimshilik rásimder týraly zańnamanyń jekelegen normalaryn odan ári túzetýdi, sondaı-aq ÁRPK-ge tıisti ózgerister men tolyqtyrýlar engizýdi usynady.

Zań jobasynyń mátinimen tolyǵyraq myna silteme boıynsha tanysýǵa bolady.