Jarysqa attanarda júldesiz kelmeıtinin aıtty – Davıd Degtıarevtiń anasy
Anasynyń aıtýynsha, Davıd paýerlıftıngten 2015 jyldan beri aınalysyp keledi. Ol sportqa bala kezinen áýes bolyp ósken.
«Ulymnyń jeńisin qysqasha aıtsam, ol Paralımpıada chempıony bolamyn dep maqsat qoıdy, sol maqsatyna jetti. Jarysqa attanar aldynda qandaı medal ekenin aıtqan joq, biraq júldesiz kelmeımin dedi, sol sózinde turdy. Men oǵan árıne, sendim. Óıtkeni onyń aıtqan sózinde turatyn qaısar minezi bar. Jeńisine búkil otbasymyzben qýandyq. Telearnalardan translıatsııa bolmaǵan soń, áleýmettik jeliden qarap, jankúıerlik tanyttyq. Ol jeńiske jetken soń birden maǵan zvondap qýanyshymen bólisti», - dedi sportshynyń anasy Irena.
Anasynyń aıtýynsha, Davıdtiń Ketı esimdi ápkesi men Lolıta esimdi qaryndasy bar. Olar sportpen aınalyspaıdy.
Aıta ketsek, Davıd Degtıarev – para paýerlıftıngten Qazaqstannyń eńbek sińirgen sport sheberi, «Qurmet» ordeniniń ıegeri. Ol óziniń bapkeri ıÝrıı Kolesnıkovtyń jetekshiligimen jattyǵady. Sportshy 54 kg salmaq dárejesinde óner kórsetedi.
Devıdtiń sporttyq mansaby 8 jyl buryn bastaldy jáne osy ýaqyt ishinde ol halyqaralyq arenada aıtarlyqtaı jetistikterge jetti. 2020 jyly Tokıodaǵy Paralımpıada oıyndarynda altyn medal jeńip aldy. Parıjde ótip jatqan jarysta eki dúrkin Paralımpıada chempıony atandy.