Jarǵaq qulaq, júni tyqyr, aryq: Qazaqy ıt tuqymdarynyń ortaq standarty bekitilmek

ASTANA. QazAqparat – Ashyq normatıvtik-quqyqtyq aktiler portalynda qazaqy ıt tuqymdarynyń standartyn bekitýge qatysty buıryq mátini jarııalandy, dep habarlady QazAqparnat tilshisi.

Buıryqta qazaqy ıtterdiń tazy jáne tóbet túrleriniń tolyq sıpattamasy berilgen.

Atap aıtqanda, «jarǵaq qulaq», «tyqyr tazy» sııaqty tazynyń tegis júndi túrlerine (ilgegi men shashaǵy joq) ruqsat etiletindigi aıtylady.

Sonymen qatar standarttyń basqa parametrlerin saqtaǵan jaǵdaıda aqaý nemese kemshilik bolyp sanalmaıdy.

«Boıy orta jáne ortadan joǵary, myqty denesi bar aryqtaý ıt, sozylý ındeksi - 103», - dep sıpattalady standartta tazy tuqymy jaıynda.

Sonymen qatar tóbet ıttiń de sıpattamasy berilgen.

«Shoqtyǵynyń bıiktigi quıymshaǵyndaǵy bıiktikke teń. Basynyń uzyndyǵy shoqtyqtaǵy bıiktiktiń keminde 40 paıyzyn quraıdy. Dene turqynyń uzyndyǵy shoqtyqtaǵy bıiktikten shamamen 10 paıyzǵa asyp túsedi, bul rette tóbetter qanshyqtarǵa qaraǵanda birshama jınaqy. Tóbetterdiń ońtaıly boıy 72 – 76 santımetr, qanshyqtardiki 68 – 72 santımetr», - delingen standartta.

Buıryq 2023 jylǵy 1 shilde kúni qoldanysqa engizilmek.

Foto: mydog.press