Járdemaqyny onlaın rásimdegen analar arasyndaǵy baıqaýdyń jeńimpazdary anyqtaldy
Baıqaýǵa bala týýyna baılanysty beriletin járdemaqyny egov.kz portaly arqyly onlaın rásimdep, ol týraly áleýmettik jelide jazba jarııalaǵan 50 ana qatysty.
Baıqaý jeńimpazdary elimizde ótken «Analar kúnine» oraı anyqtaldy. Kezdeısoq tásilmen tańdalǵan 3 jeńimpazǵa bebek.kz ınternet-dúkeninen «Sweety» brendiniń bir aılyq qorynyń jórgekterin alýǵa múmkindik beretin sertıfıkattar tabystaldy.
Jeńimpazdardyń ishinde qostanaılyq Gýlmıra Shoshaqova, semeılik Zarına Qurmanǵalıeva, Jetisaı aýdanynyń turǵyny Janar ıAbaeva bar. Jubanysh syılyǵy retinde taǵy bes jeńimpaz balalar azyǵy, ydys-aıaq, kútim quraldary sııaqty taýarlar sertıfıkatyna ıe boldy.
Esterińizge salaıyq, bala týýyna jáne onyń bir jasqa deıingi kútimine baılanysty beriletin eki járdemaqy túri onlaın egov.kz portaly arqyly rásimdeledi. Qyzmetti onlaın alý úshin egov.kz portalynda «Bala týǵanda beriletin jáne bala kútimi jónindegi járdemaqylardy taǵaıyndaý» qyzmetin tańdap, ondaǵy ótinishti toltyrý qajet. Ótinimmen qosa bankte ashylǵan esep-shottyń nómiri kórsetilýi tıis.