Jappaı tóbeles kezinde tanysyn abaısyzda óltirip alǵan aqtóbelikke sot úkimi shyqty

<p>AQTÓBE. KAZINFORM &ndash; №2 Aqtóbe qalalyq sotynda jappaı tóbeles kezinde tanysyna pyshaq suǵyp alǵan 20 jastaǵy jigit sottaldy. Ol 1 jyl 6 aıǵa bas bostandyǵynan aıyryldy.&nbsp;</p>

Oqıǵa bıyl Aqtóbe qalasy Qyzyljar turǵyn alabynda boldy. Іs materıalyna súıensek, jappaı tóbeles kezinde sottalýshy jaralanyp, qorǵanbaqqa janynda jatqan pyshaqty alǵan. Sol kezde óz tanysyna suǵyp aldy. Qylmystyq is «Abaısyzda qazaǵa ushyratý» babymen qaralyp, úkim shyqty. 

– Sottalýshy 2024 jyldyń qańtar aıynyń basynda óziniń tanystarymen birge top bolyp basqa eldimekenniń balalarymen sóılesýge baryp, arty tóbeleske ulasqan. Tóbeles barysynda sottalýshy jaralanyp, jerde jatqan pyshaqty alady. Qorǵaný maqsatynda sermegen kezde ózimen birge barǵan tanysyna suǵyp aldy. Sottalýshy kinásin tolyq moıyndap, istegen isine ókinip, jábirlenýshilerden keshirim surady. Sottyń úkimimen sottalýshy Qylmystyq kodekstiń «Abaısyzda qazaǵa ushyratý» babymen kánili dep tanylyp, oǵan 1 jyl 6 aıǵa bas bostandyǵynan aıyrý jazasy taǵaıyndaldy. Jábirlenýshilerdiń paıdasyna 6 mln teńge moraldyq zııan jáne 800 myń teńge shyǵyn óndirildi. Sot úkimi zańdy kúshine engen joq, - dep habarlady Aqtóbe qalasynyń №2 sotynyń baspasóz qyzmeti. 

Eske salsaq, bıyl qysta Aqtóbede áleýmettik jelidegi jazbadan soń eki jigit sózge kelip, olar dostary men tanystaryn ertip, kezdesýge bardy. Sol jerde jappaı tóbeles bolyp, eki adam kóz jumdy. 

Bul tóbelesten soń is ekige bólinip, bir qylmystyq is boıynsha qazir 6 sottalýshy sot aldynda jaýap berip jatyr.