Jappaı tártipsizdikter týraly sot saralaýlary ashyq bolýy kerek – Adam quqyqtary jónindegi ýákil

NUR-SULTAN. QazAqparat – Qazaqstandaǵy adam quqyqtary jónindegi ýákil Elvıra Ázimova qańtar oqıǵasy kezinde qaza bolǵandardyń jaqyndaryna sot protsesterine qatysýǵa barynsha múmkindik berilýi kerektigin málim etti, dep habarlaıdy QazAqparat tilshisi.

«Qamaýǵa alynǵandardyń báriniń ústinen kúzetpen ustaý sharasy 2 aı merzimmen belgilengen. Negizgi aıyptaýlardy boldyrmaý úshin qazir jan-jaqty ári sapaly tergeý júrgizýdiń mańyzy óte zor. Jappaı tártipsizdikter týraly sot saralaýlary ashyq bolýy kerek», - dedi ýákil «Habar 24» telearansynda ótken brıfıngide.

Sondaı-aq, ol oqıǵa kezinde aqaza bolǵandar atalmysh ister boıynsha ótetin sot protsesterine kedergisiz qatysa alýy qajettigin basa aıtty.

«Qańtar oqıǵasy kezinde qaza bolǵandardyń jaqyndaryna sot protsesterine qatysýǵa barynsha múmkindik berilýi kerek. Biz jabyq mekemelerde áli de monıtorıng júrgize beremiz jáne azamattardyń ótinishterin de qadaǵalap otyramyz. Tipti sot saralaýlaryna deıin qadaǵalaımyz», - dedi Adam quqyqtary jónindegi ýákil.