Jappaı tártipsizdik: ShQO-da 70-ke jýyq áskerı qyzmetker zardap shekti
11:49, 10 Qańtar 2022
ÓSKEMEN. QazAqparat – Shyǵys Qazaqstan oblysynda jappaı tártipsizdik kezinde 70-ke jýyq áskerı qyzmetker zardap shekti, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, 5-9 qańtar aralyǵyndaǵy tártipsizdikter kezinde polıtsııa qyzmetkerleri men QR Ulttyq ulanynyń sarbazdary jaralanǵan.
«Búlikshilerdiń zańsyz áreketteriniń saldarynan jalpy sany 69 áskerı qyzmetker zardap shekti. 11 polıtsııa kóligi qıratylyp, 10-y búlindi. Oblys aýmaǵynda 1000-nan astam adam ustalyp, qylmystyq is boıynsha 66 adam qamaýǵa alyndy. Komendanttyq saǵat talabyn buzǵany úshin 7 azamat ákimshilik jaýapkershilikke tartyldy», - delingen aqparatta.
Qoǵamdyq tártipti qamtamasyz etý úshin quqyq qorǵaý organdary kúsheıtilgen rejımde jumys isteýde. Qazirgi ýaqytta Shyǵys Qazaqstanda jaǵdaı turaqtandy.