Jappaı tártipsizdik kezinde zardap shekkenderdiń tizimi suratyldy – agenttik

NUR-SULTAN. QazAqparat – QR Qarjy naryǵyn retteý jáne damytý agenttigi jappaı tártipsizdikterde qaza tapqan jáne zardap shekken turǵyndarǵa kómek kórsetý sharalary týraly aıtyp berdi, dep habarlaıdy QazAqparat.

«Qaza tapqan áskerı qyzmetshiler men quqyq qorǵaý organdarynyń qyzmetkerleri úshin qaryzdaryn keshirý jumys júrgizildi. Dál osyndaı jumystar jappaı tártipsizdik kezinde qaza tapqan jeke azamattarǵa qatysty da júrgiziletin bolady. Qazirgi ýaqytta bizdiń agenttikke jeke tulǵalardan eshqandaı ótinish túsken joq. Ózimiz tizim surattyq jáne atalǵan azamattar boıynsha jumysty agenttik qarjy ınstıtýttarymen birlesip júrgizedi», - dedi agenttiktiń Qarjylyq qyzmetterdi tutynýshylardyń quqyqtaryn qorǵaý departamentiniń dırektory Aleksandr Terentev Ortalyq kommýnıkatsııalar qyzmetinde.

Spıker bul tusta tártipsizdik kezinde qaza tapqandar, sonyń ishinde zardap shekken azamattar týraly aıtylyp otyrǵanyn naqtylady.

Aıta keteıik, tártipsizdik kezinde qaza tapqan beıbit turǵyndardyń nesıesi tolyq keshiriledi.

Al zardap shekkenderdiń nesıesi 3 aı keıinge shegeriledi.