Jappaı tártipsizdik: Almatyda 170 velosıped urlandy

ALMATY. QazAqparat- Almatyda jappaı tártipsizdik kezinde jalǵa berilgen 170 velosıped urlandy. Bul týraly qalalyq Mobıldilik basqarmasynyń basshysy Ǵanı Myrzahanov málim etti, dep habarlaıdy QazAqparat tilshisi.

«220 velosıped pen 21 Almaty Bike velostantsııasy buzyldy. Oǵan qosa 170 velosıped urlanǵan. Qazirgi ýaqytta aqparattyq júıeni qalpyna keltirý jáne tekserý jumystary júrgizilýde. Halyqqa qyzmet kórsetýdi jańartý 20 qańtarǵa deıin josparlanǵan», - dedi Ǵanı Myrzahanov.

Onyń aıtýynsha, zaqymdalǵan velosıpedterdi jóndeý jáne urlanǵan velosıpedterdi qalpyna keltirý úshin qosymsha 370 mln teńge bólý máselesi qaralyp jatyr.

Búǵan deıin Almatyda jappaı ereýil kezinde 28 avtobýsqa zaqym kelgeni týraly jazǵan boltynbyz.

Búginde barlyq 151 baǵyt jáne 1600 birlik jyljymaly quram, onyń ishinde trolleıbýs jáne qala mańyndaǵy baǵyttar iske qosyldy. Qalalyq marshrýttardyń jumys tártibi 8.00-den 21.00-ge deıin, qala mańyndaǵy marshrýttarda 9.00-den 21.00-ge deıin. Sonymen qatar, metro jumysy qaıta jandandy.