Jappaı qyryp-joıatyn qarýdy taratpaý jónindegi komıssııanyń otyrysy ótti

ASTANA. QazAqparat - Syrtqy ister mınıstri Qaırat Ábdirahmanovtyń tóraǵalyǵymen Qazaqstan Respýblıkasynyń Prezıdenti janyndaǵy Jappaı qyryp-joıatyn qarýdy (JQQ) taratpaý máseleleri jónindegi komıssııasynyń kezekti 15-otyrysy ótkizildi, dep habarlaıdy QR SІM baspasóz qyzmeti.

Komıssııa qyzmetiniń maqsaty - QR memlekettik organdarynyń ıadrolyq qarýsyzdaný men taratpaý salasyndaǵy bizdiń halyqaralyq mindetterimizdi saqtaý jáne Memleket basshysynyń bul saladaǵy jahandyq bastamalaryn iske asyrý boıynsha jumysyn úılestirý.

Komıssııa otyrysynyń nazarynda eldiń ıadrolyq jáne bıologııalyq qaýipsizdiginiń nyǵaıtý, sondaı-aq eksporttyq baqylaý júıesimen halyqaralyq qoǵamdastyqpen ózara is-qımyldykúsheıtý máseleleri boldy.

QR-dyń BUU Qaýipsizdik Keńesinde ú.j. qańtardaǵy tóraǵalyǵy men Dúnıejúzilik uıymnyń negizgi organdarynyń birindegi qazirgi qyzmetinińqorytyndylary shyǵaryldy. Syrtqy saıası vedomstvonyń basshysy otyrystyń qatysýshylaryna álemde keńinen talqylanǵan, QR Prezıdenti N.Á.Nazarbaevtyń 2018 jylǵy 18 qańtarda «JQQ taratpaý: senim sharalary» taqyrybyndaǵy BUU QK-degi otyrysynda sóılegen tarıhı sózi týraly eske saldy.

Komıssııa otyrysyna qatysqan mınıstrlikter men vedomstvolardyń basshylary ótken kezeńde berilgen tapsyrmalardyń oryndalý barysy týraly baıandady.

Foto: mfa.gov.kz