Jappaı ereýil boıynsha tergelip jatqan istiń basym bóligi - tonaý men urlyq

NUR-SULTAN. QazAqparat – Qańtar oqıǵasyna qatysty tergelip jatqan istiń basym bóligi tonaý men urlyqqa qatysty. Bul týraly ІІM tergeý departamentiniń bastyǵy Sanjar Ádilov aıtty, dep habarlaıdy QazAqparat tilshisi.

«Lańkestik aktiler men jappaı tártipsizdik sebepteri men olardy uıymdastyrǵan tulǵalardy anyqtaý boıynsha tergeýdi arnaýly prokýrorlar jetekshilik etetin vedomstvoaralyq jedel-tergeý toptary júzege asyrady. Óz kezeginde, ishki ister organdary jappaı tártipsizdik aıasynda jasalǵan basqa da qylmystar boıynsha tergeýdi jalǵastyryp jatyr», - dedi ol ortalyq kommýnıkatsııalar qyzmetindegi brıfıng barysynda.

Sanjar Ádilovtiń atap ótýinshe, qazirgi ýaqytta ishki ister organdary tergeýshileriniń is júrgizýinde 2 285 qylmystyq is bar.

«Onyń negizgi bóligi - urlyq pen tonaý. Bul - 1 674 is nemese jalpy tirkelgenderdiń jalpy sanynyń 73 paıyzyn quraıdy», - dedi departament bastyǵy.