Japonııa burynǵy premer-mınıstriniń rezıdentsııasy órtenip ketti

<p>Japonııanyń burynǵy premer-mınıstri Kakýeı Tanakanyń Tokıo ortalyǵyndaǵy rezıdentsııasy tolyǵymen órtenip ketti. <a href="https://kaz.inform.kz/" target="_blank" rel="noopener">Kazinform</a> bul týraly <a href="https://www3.nhk.or.jp/news/html/20240108/k10014313721000.html" target="_blank" rel="noopener">NHK</a> telearnasyna silteme jasap habarlaıdy.&nbsp;</p>

8 qańtar kúni tústen keıin Japonııanyń burynǵy premer-mınıstri Kakýeı Tanakanyń rezıdentsııasynda órt shyqty. Telearnanyń habarlaýynsha, Kakýeıdiń qyzy Tanaka Makıko rezıdentsııada hosh ıisti taıaqtardy tutatqan, artynsha ǵımarat jalynǵa orandy.

Órtti sóndirýge 20-dan astam órt sóndirý mashınasy men basqa da tehnıka jumyldyrylǵanymen, órt eki saǵattan soń ǵana tolyq sóndirildi. Osy ýaqyt ishinde eki qabatty ǵımarat tolyǵymen órtenip, sol aýmaqta ornalasqan bir qabatty ǵımarat ta otqa orandy.

Oqıǵa kezinde ǵımaratta Tanakanyń qyzy, burynǵy Syrtqy ister mınıstri Makıko men onyń famılııasyn alǵan kúıeýi, Japonııanyń burynǵy qorǵanys mınıstri Naokı Tanaka bolǵan. Qurbandar men zardap shekkender joq.

Saıasatkerdiń rezıdentsııasyn «Medzıro saraıy» dep te ataıtyn.