Japonııalyq robottar COVID-19-ben kúresý úshin Kenııaǵa ákelindi

NUR-SULTAN. QazAqparat - «Epıdemııaǵa qarsy robottar» degen atqa ıe bolǵan úsh aqyldy mashına BUU-nyń Japonııamen seriktestikte damý baǵdarlamasy aıasynda COVID-19-ben kúresý úshin Kenııa úkimetine berildi, dep habarlaıdy QazAqparat euronews.com saıtyna silteme jasap.

Robottar pandemııa kezinde medıtsına qyzmetkerleriniń keıbir qyzmetterin oryndaýǵa beıimdelgen.

Shýja, Djasırı jáne Týmaını atty kómekshiler 2,5 metrden 3,5 metrge deıin qashyqtyqta mınýtyna 200 adamǵa deıin temperatýrany ólsheı alady, lastanǵan nemese vırýs juqtyrǵan dep boljanǵan úlken aýmaqtardy zararsyzdandyrady, sonymen qatar adamdarǵa betperde kıip, dezınfektsııalaý kerek ekenin eske salatyn habarlamalar taratady. Sonymen qatar robottar patsıentterden aqparat jınap, ony taldap, zertteý úshin derekter bere alady. Bul aqyldy mashınalar jolaýshylardy áýejaıda tirkeýdi tezdetýge kómektesedi dep kútilýde.