Japonııaǵa joıqyn taıfýn jaqyndap keledi: 230-dan astam reıs toqtatyldy

<p>TOKIO. KAZINFORM &ndash; Japonııada &laquo;Shanshan&raquo; taıfýny jaqyndaýyna baılanysty 230-dan astam reıs toqtatyldy. Bul týraly áýejaılar men áýe kompanııalarynyń monıtorıng qyzmetteriniń málimetterine súıene otyryp <a href="https://tass.ru/obschestvo/21700871" target="_blank" rel="noopener">TASS </a>habarlady.</p>

Boljam boıynsha, taıfýn erteń, 28 tamyzda Okınava prefektýrasynyń araldaryna jaqyndap, keshke ońtústik-batys Kıýsıý aralyna jetedi.

Basylymnyń málimetinshe, bul sharalar birinshi kezekte Kıýsıý aralyndaǵy áýejaılarǵa áser etedi. Temirjol operatorlary da múmkin bolatyn toqtatýlar men keshigýler týraly eskertýde. «All Nippon Airways» 28-30 tamyz aralyǵynda 80 reısti toqtatty.

– Taıfýn qazir Amamı araldaryna (Okınava prefektýrasy) jaqyndap keledi jáne soltústik-batysqa qaraı Kıýsıýge, sondaı-aq Japonııanyń basty araly Honsıýge qaraı jyljýy múmkin, – delingen habarlamada.

Aıta keteıik, 16 tamyz kúni «Ampıl» taıfýnynyń jaqyndaýyna baılanysty japondyq avıakompanııalar júzge jýyq reısterin, al temirjoldar operatsııalarynyń bir bóligin toqtatqanyn jazǵan edik.