«Japonııadaǵy zilzala jer kindigin 17 santımetrge jyljytty»-respýblıkalyq basylymdarǵa sholý
***
«Egemen Qazaqstan» gazetiniń jazýynsha, Memleket basshysy Nursultan Nazarbaev Ulttyq Bank tóraǵasy Grıgorıı Marchenkony qabyldady. Kezdesý barysynda G.Marchenko Prezıdentke Qazaqstannyń valıýta naryǵyndaǵy jaǵdaı týraly baıandap berdi. Qazaqstan Respýblıkasynyń Ulttyq Banki 2011 jyldyń basynan beri 6 mıllıard AQSh dollaryn satyp alǵan. Teńgeniń AQSh dollaryna shaqqandaǵy baǵamy 1,25 paıyzǵa nyǵaıdy.
11 naýryz kúni Japonııany sharpyǵan surapyl tabıǵı apatqa baılanysty Qazaqstan Prezıdenti Nursultan Nazarbaev Kúnshyǵys eliniń halqyna kóńil aıtý jedelhatyn joldaǵany belgili. «Egemen Qazaqstan» gazetiniń atap ótýinshe, osyǵan oraı Qazaqstan osynshama qasiretti kezeńde dostas japon halqyna jan-jaqty járdem berýge, onyń ishinde gýmanıtarlyq kómek, qutqarýshylar men ózge de qajetti mamandardy jiberý arqyly qolushyn berýge daıyn ekendigin bildirdi. Búgingi tańda japon taraby kómektiń naqty mólsheri men túrin aıqyndaýda.
***
«Tynyq muhıtynda 11 naýryz kúni bolǵan joıqyn dúmpýler Jerdiń aınalý kindigin 17 santımetrge jyljytty, dep málimdedi amerıkalyq NASA aeroǵarysh agenttiginiń mamandary. Olardyń esebi boıynsha táýlik merziminiń uzaqtyǵy 1,6 mıkrosekýndqa qysqarypty», - dep jazady «Aıqyn» gazeti. Kúnshyǵys eli tarıhynda 100 jyl bolmaǵan alapat tabıǵı atap jaıynda basylymnyń búgingi nómirindegi «Japonııadaǵy zilzala jer kindigin 17 santımetrge jyljytty» degen maqalada keńinen baıandalǵan. Basylymnyń atap ótýinshe, Japonııa araldaryndaǵy jerasty dúmpýleri jaǵalaýlarǵa kelip soqqan bıiktigi on metrlik tsýnamı tolqyndaryn týdyrdy. Ǵalamat kúshti tolqyndar úlken kemelerdiń ózin jaǵaǵa laqtyryp, záýlim úılerdi muhıtqa alyp ketti. Tipti jolaýshylar poıyzynyń joǵalyp ketkendigi týraly da aqparattar bar.
«Aıqyn» gazetiniń jazýynsha, Óskemen polıtsııasy balalarǵa shabýyl jasap júrgen belgisiz pedofıl manıakty izdestirýde. Sońǵy ret belgisiz manıak kópqabatty turǵyn úıdiń kireberisinde alty jastaǵy qyzǵa shabýyl jasaǵan. Kishkentaı qyzdy úıine kele jatqan kórshileri qutqaryp qalǵan eken. Syrttan kirgen adamdardan qaımyqqan pedofıl tabanyn jaltyratqan. Onyń túr-túsin áli eshkim naqtylap kórmegen. Qala turǵyndaryna úreı týǵyzǵan manıakty polıtsııa qansha izdegenmen áli eshqandaı nátıje joq. Elimizdiń shyǵys óńirin dúrliktirgen osy jaıt jaıynda basylymnyń seısenbilik sanyndaǵy «Óskemendi úreılendirgen pedofıl» degen maqaladan bile alasyzdar.
***
«Baký ottaryn» aqyry «sóndirdik». «Alash aınasy» gazetiniń búgingi sanynda osy taqyryppen jaryq kórgen maqala ótken senbide elordada ótken «Astana arlandary» men «Baký ottary» arasyndaǵy jekpe-jekterge arnalǵan. «Aıyzymyz qana tamashalaǵan jekpe-jek keshi boldy. Elordamyzdyń «Dáýlet» sport kesheninde Ázirbaıjannyń «Baký ottaryn» qabyldaǵan «Astana arlandary» osy ýaqytqa deıin jeńe almaı kelgen komandany tas-talqan etip utty», - dep jazady basylym.
«Alash aınasy» gazetiniń turaqty «Dat!» aıdarynda fılologııa ǵylymynyń doktory, professor Anar Salqynbaımen aradaǵy suhbat «Yqylas tanytsa qytaıdy da qazaqsha sóıletýge bolady» degen taqyryppen berilgen. Basylym tilshisiniń barlyq saýaldaryna tuşymdy jaýap bergen ǵalym: «Bizdiń qazaq ózge halyqtardyń tarıhynda 100 jylǵa sozylǵan jańǵyrý úderisterin bar bolǵany 10-15 jylda baǵynyrǵan sııaqty. Bul maǵan bizdiń halyqqa ǵana tán qubylys, qazaqy fenomen bolyp kórinedi. Endeshe, osyndaı qasıetke ıe halyq bir kezdegi babalarynyń tarıhyndaǵy uly jetistikterdi taǵy da qaıtalaı alady dep oılaımyn», - deıdi.
***
«Prezıdent Nursultan Nazarbaev BUU Bas hatshysy Pan Gı Mýnmen telefon arqyly sóılesti», - dep jazady «Kazahstanskaıa pravda» gazeti. Memleket basshysy BUU Bas hatshysymen halyqaralyq ózekti máselelerdi, onyń ishinde Maǵrıb elderindegi, Taıaý Shyǵys pen Ortalyq Azııadaǵy jaǵdaıdy talqylady. Pan Gı Mýn Qazaqstannyń belsendi jáne syndarly syrtqy saıası qyzmeti úshin rızashylyǵyn bildirdi. Atap aıtqanda, BUU Bas hatshysy Qazaqstannyń EQYU-ǵa tabysty tóraǵalyǵyn jáne osy uıymnyń sammıtin Astanada joǵary deńgeıde ótkizgenin atap kórsetti.