Japonııadaǵy jer silkinisi: zardap shekkender sany 52-ge jetti

TOKIO. QazAqparat - Japonııada magnıtýdasy 5,9 bolǵan jer silkinisi saldarynan 52 adam jaraqat aldy, dep habarlaıdy QazAqparat NHK telearnasyna silteme jasap.

Zilzala oshaǵy Tokıo jáne Tıba prefektýralarynyń shekarasynda ornalasqan, tereńdigi – 75 shaqyrym. Tokıonyń Adachı aýdanynda jolaýshylar poıyzy relsten shyǵyp ketken, sondaı-aq jyldamdyǵy joǵary poıyzdardyń qozǵalysy toqtatyldy, dep habarlaıdy telearna.

Tokıonyń birneshe kvartalynda qubyrlar jarylyp, trotýarlardy sý basqan, úılerdiń biriniń qabyrǵasy qulady.

Meteorologtar jergilikti turǵyndarǵa aldaǵy jeti kúni jerasty dúmpýleri qaıtalanýy yqtımal ekendigin eskertti.