Japonııadaǵy Sakýradzıma janartaýy atqylady

TOKIO. QazAqparat – Japonııanyń ońtústik-batysyndaǵy Kagosıma prefektýrasyndaǵy Sakýradzıma janartaýy ekinshi kún qatarynan atqylap, eldiń meteorologııalyq agenttigi qaýiptiń eń joǵary deńgeıin jarııalady, dep habarlaıdy QazAqparat Kyodo News agenttigine silteme jasap.

Sakýradzımanyń alǵashqy atqylaýy jeksenbi kúni keshke boldy. Saldarynan janartaý jynystary men kúl kraterden 2,5 km radıýsqa deıin shashyrap ketti.

Janartaý mańyndaǵy qaýip deńgeıi bes baldyq shkala boıynsha maksımýmǵa deıin kóterildi, biraq sarapshylar qazirgi ýaqytta aýqymdy atqylaý qaýpi joq dep esepteıdi.

Tótenshe jaǵdaıǵa baılanysty aqparat jınaý úshin Japonııa premer-mınıstriniń keńsesinde jedel shtab qurylyp, Kagosıma bıligi 100-ge jýyq adam turatyn janartaýǵa irgeles eki aımaqty jartylaı evakýatsııalaý týraly habarlady.

Zardap shekkender týraly málimet joq, janartaýdyń aınalasyn meteorologııalyq departament mamandary tekserip jatyr.

Úkimet jaǵdaıdy baǵalaýdy jalǵastyrýda, onyń ishinde janartaý atqylaýynan kelgen zalal da bar.

Sakýradzıma - Japonııadaǵy eń iri janartaýlardyń biri.

Foto: english.kyodonews.net