Japonııadaǵy jer silkinisinen qaza tapqandar sany 213-ke jetti

<p>Japonııadaǵy Noto araly aımaǵynda bolǵan jer silkinisi saldarynan qaza tapqandar sany 213 adamǵa jetti. Kazinform bul týraly TASS-qa silteme jasap habarlaıdy.</p>

Bul týraly Isıkava prefektýrasynyń bıligi habarlady.

52 adam áli iz-túzsiz joǵalǵandar tiziminde, tótenshe jaǵdaılar qyzmeti olardyń ornalasqan jerin anyqtaý úshin baılanys ornata almaı otyr. Sońǵy málimetter boıynsha, zardap shekkenderdiń sany 567 adam.

Tabıǵı apattan ásirese Isıkava prefektýrasy zardap shekti: onda kem degende 1370 úı tolyq nemese ishinara qırady, órt saldarynan 300-den astam ǵımarat búlindi. Energetıkterdiń aıtýynsha, aımaqta 13,5 myń úı jaryqsyz qaldy.

Sonymen qatar, Isıkava prefektýrasynyń 22 aýdanynda 3,1 myńǵa jýyq adam oqshaý qalyp qoıdy. Japonııanyń qutqarý qyzmetteri jergilikti turǵyndarǵa jer silkinisinen keıin joldardyń opyrylyp qalýyna baılanysty jete almaı otyr.