Japonııada zilzala qurbandarynyń sany 200 adamnan asty

<p>Isıkava prefektýrasy men ortalyq Japonııaǵa jaqyn aýdandarda bolǵan zilzala qurbandarynyń sany 202 adamǵa jetti, taǵy 102 turǵyn iz-túzsiz joǵalǵandar qatarynda tur. <a href="https://kaz.inform.kz/" target="_blank" rel="noopener">Kazinform</a> bul týraly Kyodo News agenttigine silteme jasap habarlaıdy.</p>

Sıka aýylynda jańa koronavırýs juqtyrǵandar tirkelgeni týraly aqparattan keıin bılik ókilderi ınfektsııalyq aýrýlar tarap ketýinen qaýiptenip otyrǵanyn málimdedi. Sebebi 28 myńnan astam adam áli de Isıkava prefektýrasynyń evakýatsııalyq ortalyqtaryn panalap otyr.

Bılik ókilderiniń aıtýynsha, keı aýdandarda, ásirese Vadzıma men Sýdzýda joldar qırap, qalyń qar jaýǵandyqtan keminde 3300 adam oqshaýlanyp qalǵan.

Seısenbi kúni qorǵanys mınıstri Mınorý Kıhara qutqarý jumystaryna qatysyp jatqan qorǵanys kúshteri qyzmetkerleriniń sany taǵy 200 adamǵa artyp, 6300-ge jetkenin málim etti.

Sondaı-aq seısenbide premer-mınıstr Fýmıo Kısıda kabıneti jer silkinisinen zardap shekkenderge kómek kórsetý úshin rezervtegi qordan 4,74 mlrd ıen ($33 mln) bólý sheshimin maquldady.

Buǵan deıin qaza tapqandar sany 168-ge jetkenin habarlaǵan edik.