Japonııada jer silkinisinen zardap shekkenderge ýaqytsha baspana salyna bastady

<p>Jergilikti bılik juma kúni Japonııanyń ortalyq bóliginde magnıtýdasy 7,6 baldyq jer silkinisinen úıleri zardap shekkenderge ýaqytsha baspana salýǵa kiristi. <a href="https://kaz.inform.kz/?_gl=1*1cookbu*_ga*MTMxOTQ2NjU5MC4xNjk4Mzc1OTcw*_ga_Y44SMVECD5*MTY5ODM3NTk2OS4xLjAuMTY5ODM3NTk2OS42MC4wLjA.&amp;pk_vid=1dac2fba2c02ff6916983759715aaacc" target="_blank" rel="noopener">Kazinform</a> agenttigi bul týraly <a href="https://english.kyodonews.net/news/2024/01/de899695f79f-building-of-temporary-housing-begins-for-central-japan-quake-victims.html" target="_blank" rel="noopener">Kyodo News</a>-ke silteme jasap habarlaıdy.</p>

Isıkava prefektýrasynyń úkimeti Vadzıma men Sýdzýda 115 ýaqytsha úıdiń qurylysyn bastap, ony bir aı ishinde aıaqtaýdy maqsat etti.

Ýaqytsha baspana jalǵyzbasty adamdar, otbasylarǵa qurama nemese aǵash bir qabatty úıler salynady.

Prefektýra sondaı-aq Noto jáne Anamıdzý qalalarynda 60 ýaqytsha turǵyn úı qurylysyn bastaýdy josparlap otyr.

Tabıǵı apaty kezinde zardap shekkenderge kómek kórsetý týraly zańǵa sáıkes, jergilikti bılik ýaqytsha baspanany eki jylǵa deıin nemese zardap shekkender balama baspana tapqansha tegin beredi.

Zilzala saldarynan qaza tapqandar sany 215 adamdy qurady. Olardyń ishinde 10 adam densaýlyǵynyń nasharlaýynan, keıbir jaǵdaılarda evakýatsııa kezindegi kúızeliske baılanysty qaıtys boldy dep shamalanyp otyr.

37 adam iz-túzsiz joǵaldy, evakýatsııalanǵandar sany – 24 038 adam.

Shamamen 2500 adam joldardyń buzylýyna baılanysty oqshaýlanǵan.

Buǵan deıin Japonııada jer silkinisi qurbandarynyń sany 213 adamǵa jetkeni týraly jazǵan edik.