Japonııada jer silkinisinen qaza tapqandar sany 221 adamǵa jetti

<p>TOKIO. KAZINFORM - Japonııanyń ortalyǵynda bolǵan joıqyn jer silkinisinen eki apta ótken soń qaza tapqandar sany kem degende 221 adamdy qurady, taǵy 22 adam iz-túzsiz joǵaldy, dep jazdy NHK World-Japan.</p>

Resmı ókilderdiń habarlaýynsha, joldardyń qıraýy saldarynan 500-ge jýyq adam syrtqy álemmen baılanyssyz qalǵan.

Qaza bolǵandardyń ishinde 13 adam ýaqytsha baspanada densaýlyǵynyń nasharlaýynan qaıtys boldy dep shamalanyp otyr.

Jeksenbidegi jaǵdaı boıynsha júzdegen evakýatsııalyq ortalyq elektr qýaty men sýsyz qaldy, olarda sol kezde 20 myńǵa jýyq adam bolǵan.

Buǵan deıin habarlanǵandaı, bılik jer silkinisinen úıleri qıraǵandar úshin ýaqytsha baspana salýǵa kiristi.