Japonııada jer silkinisinen bir adam qaza taýyp, 22-si zardap shekti

TOKIO. SINЬHÝA – QazAqparat – Juma kúni Japonııa ortalyǵyna jaqyn ornalasqan aýdandarda jáne Isıkava prefektýrasynda 6,5 magnıtýdasymen bolǵan jer silkinisi saldarynan 1 adam qaza taýyp, 22-si zardap shekti. QazAqparat bul týraly Sınhýa-ǵa silteme jasap habarlaıdy.

Japonııa meteorologııalyq agenttiginiń (JMA) málimetinshe, qýatty zilzala jergilikti ýaqytpen saǵat 14:42-de (Grınvıch boıynsha 05:42) Sýdzý qalasynda boldy. Qala Isıkava prefektýrasyndaǵy Noto túbeginde ornalasqan.

Jerasty dúmpýiniń kúshi seısmıkalyq qýattylyqtyń japonııa shkalasy boıynsha 6 baldy qurady. Aıta keteıik, maksımaldy shkala – 7. Terbelis 12 km tereńdikte ornalasty.

Jergilikti polıtsııa málimetinshe, jer silkinisi saldarynan 65 jastaǵy er adam Sýdzý qalasynda baspaldaqtan qulap ketip, mert boldy.

Sondaı-aq úsh úı qıraǵan, qırandylar arasynda qalyp qoıǵan eki adam qutqaryldy.

JMA dereginshe, saǵat 21:58-de (Grınvıch boıynsha 12:58) Noto túbegi aýmaǵynda 5,8 magnıtýdasymen birneshe jerasty dúmpýi tirkeldi.

Meteorolgııalyq agenttik jer silkinisi apta boıy qaıtalanýy múmkin ekendigin eskertti.

Foto: Sınhýa