Japonııada jańa zymyrantasyǵyshty ushyrý sátsiz aıaqtaldy

TOKIO. QazAqparat – Japonııanyń aeroǵarysh zertteýleri agenttigi (JAXA) seısenbi kúni H3 jańa flagmandyq zymyrantasyǵyshyn sátti ushyrǵanyn málimdedi. Biraq birneshe mınýt ótkennen keıin-aq agenttik zymyrandy joıýǵa májbúr boldy, dep habarlaıdy QazAqparat Kyodo agenttigine silteme jasap.

Zymyran-tasyǵyshtyń ekinshi dárejeli qozǵaltqyshy iske qosylmaǵannan keıin ózdiginen joıý týraly buıryq berildi.

N3 sátsiz ushyrylǵanǵa deıin onyń ushý ýaqyty birneshe ret keıinge shegerildi. Ótken aıda ol Tanegasıma ǵarysh ortalyǵynan ushýyna birneshe mınýt qalǵanda toqtatylǵan bolatyn.

Otandyq H2A zymyranynyń jolyn qýǵan jańa zymyran-tasyǵysh, josparlanǵandaı, jergilikti ýaqyt boıynsha tańǵy 10:37 shamasynda ushyryldy.

Degenmen agenttik mamandary kózdegen mıssııany oryndaý múmkin emes degen qorytyndyǵa kelgennen keıin shamamen 15 mınýttan soń JAXA zymyrandy ózdiginen joıýǵa buıryq berdi.

Ǵarysh agenttiginiń deregi boıynsha, zymyrannyń qaldyqtary Fılıppınniń shyǵys jaǵalaýyndaǵy sýǵa qulaǵan. Qaldyqtary qulap jaraqat alý nemese búlingen jaǵdaılar týraly aqparat túsken joq.

Búgingi sátsizdik agenttiktiń bedeline taǵy da soqqy boldy.

Byltyr qazanda Epsilon-6 zymyrany belgilengen traektorııadan aýytqyp ketkendikten ushqannan keıin birneshe mınýttan soń ózdiginen joıý týraly buıryq berilgen bolatyn.

Keıingi sátsizdik Japonııanyń ǵarysh strategııasyn qaıta qaraýǵa ákelýi múmkin. H3 zymyrantasyǵyshy – negizgi zymyrantasyǵyshtyń keıingi 20 jyldaǵy alǵashqy modernızatsııasy.

Odan kútetin úmit kóp boldy, sebebi ol Japonııaǵa artyqshylyq berip, zymyran ushyrýda básekege qabiletti elge aınaldyrar edi.

Zymyran-tasyǵysh orbıtaǵa Advanced Land Observing Satellite-3-di shyǵarýy kerek bolatyn. Ol tabıǵat apattary men ballıstıkalyq zymyrandardyń áleýetti ushýyn baqylaıtyn japon úkimetiniń negizgi quraly bola alatyn edi.

Agenttik málimetinshe, 17 aqpanda zymyrantasyǵyshty ushyrý elektr qurylǵysynyń aqaýyna baılanysty ushýǵa birneshe mınýt qalǵanda toqtatylǵan.

Keıinirek JAXA máseleni sheshý úshin qadam jasaǵanyn málimdedi.

Áýelde H3 zymyran-tasyǵyshyn 2021 jyldyń naýryzynyń sońynda ushyrý josparlanǵan. Biraq qozǵaltqyshtaǵy máselege baılanysty jospardy eki jylǵa shegerýge týra keldi.

Bul sátsizdik Japonııada alǵash ret keıingi 18 jylda ózderi jasaǵan birde-bir zymyran sátti ushyrylmaǵanyn bildiredi.

Baǵasy 5 mıllıard ıen nemese 37 mıllıon AQSh dollary turatyn H3 zymyrany aldyńǵy býynnan eki ese arzan bolǵanymen, spýtnık ushyrýǵa 1,3 ese kóbirek múmkindigi bar.