Japonııada úı jaǵdaıynda oqshaýlaný vırýstyń taralýyna áser etip otyr

SAPPORO. KYODO NEWS-QazAqparat - Japonııa barynsha koronavırýs ınfektsııasynyń taralýyn boldyrmaýǵa tyrysyp jatqanymen, indettiń úı ishinde taralýyn toqtatý úlken máselege aınaldy, dep habarlaıdy QazAqparat Kyodo News agenttigine silteme jasap.

COVID-19-ben aýyrǵan naýqastardyń kóbine úıden emdelýge keńes berip jatyr, sebebi eldiń kóp bóligindegi aýrýhanalarda oryn jetispeıdi. Degenmen, medıtsına sarapshylary úı jaǵdaıynda oqshaýlaný qaýipti jáne aldyn alý sharalaryn oryndaǵannyń ózinde úıdegi basqa adamdardyń juqtyrmaýy ekitalaı dep otyr.

Sapporoda 4-17 qańtar aralyǵynda koronavırýsqa tapsyrǵan taldaýy oń nátıje kórsetken adamdardyń 30 paıyzy otbasy múshelerinen juqtyrǵan.

Tokıoda sol aralyqtaǵy kórsetkish 50 paıyzǵa jetken.

Densaýlyq saqtaý mınıstrliginiń 20 qańtar kúngi málimeti boıynsha, COVID-19 juqtyrǵan 35 394 naýqas úıde em alyp jatyr.