Japonııada taıfýnǵa baılanysty júzdegen reıs toqtatylady

<p>ASTANA. KAZINFORM &ndash; &laquo;Ampıl&raquo; taıfýnynyń jaqyndaýyna baılanysty &nbsp;japondyq avıakompanııalar 16 tamyz kúni júzge jýyq reısterin, al temirjoldar operatsııalarynyń bir bóligin toqtatady, dep jazady <a href="https://www.reuters.com/world/japan/typhoon-ampil-approaches-tokyo-holiday-traffic-snarled-2024-08-15/" target="_blank" rel="noopener">Reuters.</a></p>

Japonııanyń meteorologııalyq basqarmasy «aýyr» dep jiktegen «Ampıl» taıfýny (№7 taıfýn) Tokıo men onyń mańyndaǵy aýdandarǵa qaraı bet aldy. 

Basqarma málimetinshe, jeldiń ekpini sekýndyna 35 metrge, eń joǵary ekpini sekýndyna 50 metrge deıin jetedi. 

– Taıfýn jaqyndaǵan saıyn biz halyqty daýyl, joǵary tolqyndar men nóser jaýynǵa baılanysty óte saq bolýǵa shaqyramyz, - dedi meteorologııalyq ortalyq ókili.

Japan Airlines 191 ishki jáne 26 halyqaralyq reısterdi toqtatýdy josparlap otyr.

Taǵy bir iri All Nippon Airways (ANA) avıakompanııasy juma kúnge josparlanǵan 280 ishki reıstiń toqtatylǵanyn jarııalady, bul 60 myńnan astam jolaýshyǵa áser etti.

Ortalyq Japonııa temir joly juma kúni Tokıo men Nagoıa arasyndaǵy «sınkansen» poıyzynyń qyzmetterin toqtatatynyn málimdedi.