Japonııada olımpıada alaýy estafetasy toqtatylýy múmkin

TOKIO. Kyodo News-QazAqparat – Tokıodaǵy Olımpıada oıyndarynyń uıymdastyrý komıteti olımpıada alaýy estafetasyn ótkizý kezinde koronavırýstyń taralýyna qarsy is-qımyl josparyn jarııalady, dep habarlaıdy QazAqparat Kyodo News agenttigine silteme jasap.

Onyń ishinde eger belgili bir talaptar oryndalmasa estafetanyń toqtatylýy múmkin ekeni aıtylǵan.

Qujatqa sáıkes, eger alaý júrip ótetin baǵytta adam tym kóp jınalsa estafeta toqtatylýy múmkin. Osyǵan baılanysty uıymdastyrý komıteti jergilikti turǵyndardy alaýmen júgirip ótý rásimin tikeleı efırden ǵana tamashalaýǵa shaqyrady.

Uıymdastyrýshylar da maska taǵý, áleýmettik qashyqtyq saqtaý, dezınfektsııa quraldaryn paıdalaný syndy qaýipsizdik sharalarynyń barlyǵy saqtalý qajettigin atap ótti.

Olımpıada alaýy estafetasyna qatysatyn tanymal adamdardy uıymdastyrýshylar tolyǵymen qorǵaý múmkin bolatyn aımaqtarǵa jetkizedi.