Japonııada nóser jaýyn saldarynan alty adam mert boldy

<p>ASTANA. KAZINFORM &ndash; Japonııanyń Isıkava prefektýrasynda rekordtyq mólsherde jaýǵan nóser jaýynnan soń alty adam mert bolyp, ekeýi iz-túzsiz joǵalǵan, taǵy 8 adammen baılanys joq, dep habarlady NHK.</p>

Rıa Novostı agenttiginiń jazýynsha, Nakaıa tonnelinde kóshkin júrip, 10 adam shyǵa almaı qalǵan. Olardyń ekeýi mert boldy. Sonymen qatar adamdardyń denesi qulaǵan úıdiń astynan tabyldy. Bir adamnyń denesi ózen mańynan tabylǵan.

Tabıǵı apattan ásirese Noto poselkesi men Vadzıma jáne Sýdzý qalalary qatty zardap shekken. Bul qalalar bıylǵy jyldyń 1-qańtary kúni bolǵan jer silkinisinen de qatty zardap shekken edi.

Demalys kúnderi Isıkava prefektýrasyndaǵy 7 qala men aýyldarda 131,4 myń adamǵa evakýatsııa jarııalandy.

Senbi kúni Vadzıma qalasynda jaýyn rekordtyq mólsherde túskeni belgili boldy. Naqtyraq aıtqanda munda túsken yǵaldyń kólemi 24 saǵatta 300 mılımetrdi qurady. Bul 1975 jyldan bergi rekordtyq kórsetkish. Sýdzý qalasyna 24 saǵatta 200 mıllımetrden astam ylǵal túsken. Jańbyr jeksenbi kúni de jaýdy.