Japonııada nannan egeýquıryq qaldyǵy shyqty

<p>ASTANA. KAZINFORM &ndash; Japonııanyń eń tanymal nan óndirýshi kompanııalarynyń biri óniminen egeýquıryq qaldyǵy tabylǵan soń myńdaǵan nan ónimin qaıtaryp alyp, ótemaqy usynyp otyr. Bul týraly <a href="https://www.bbc.com/news/articles/c51n0p14y1lo" target="_blank" rel="noopener">VVS</a> jazdy.&nbsp;</p>

Eki nannan qara egeýquıryq qaldyǵy tabylǵany úshin Pasco Shikishima korporatsııasy shyǵarǵan 104 000-ǵa jýyq kesilgen aq nan sórelerden alynyp tastaldy. 

Pasco nany búkil el aýmaǵyndaǵy sýpermarketter men dúkenderde keńinen taralǵan. 

Kompanııa málimdemesine sáıkes, osy ýaqytqa deıin ónimdi tutynýdan aýrý týyndaǵany týraly habarlama bolǵan joq. 

«Tutynýshylarymyzdan, isker seriktesterimizden jáne barlyq múddeli tulǵadan keltirilgen qolaısyzdyqtar úshin keshirim suraımyz», - delingen habarlamada. 

Kompanııa egeýquıryq qaldyǵynyń nan ónimine qalaı engenin aıtpady, biraq «endi qaıtalanbaýy úshin sapany baqylaýdy jaqsartýǵa bar kúsh-jigerin salýǵa» ýáde berdi. Zardap shekken klıentter úshin kompanııa óz veb-saıtynda ótemaqy alý formasyn ornalastyrdy. 

Aıta keteıik, Pasco ónimderi AQSh, Qytaı, Aýstralııa, Sıngapýr jáne basqa elderge de eksporttalady.