Japonııada kúnine 180 myńnan astam koronavırýs juqtyrýda

NUR-SULTAN. QazAqparat - Japonııada COVID-19 ınfektsııasyn juqtyrý jaǵdaılarynyń jańa antırekordy tirkeldi, dep habarlaıdy QazAqparat.

COVID-19 taralýyna jol bermeý jónindegi vedomstvoaralyq komıssııanyń málimetinshe, Japonııada juqtyrý jaǵdaılarynyń kúndelikti sany 180 myńnan asyp, ekinshi kún qatarynan rekord ornatty. Óıtkeni eldegi ınfektsııalardyń jetinshi tolqyny aıasynda 47 prefektýranyń 35-inde rekordtyq kórsetkish tirkeldi.

Tokıoda jáne basqa da prefektýralarda, onyń ishinde Osakada jáne Fýkýokada koronavırýs juqtyrý jaǵdaılarynyń rekordtyq sany tirkeldi, sebebi Omıkronnyń kishi nusqasy BA.5 elde keń taraldy.

DSM koronavırýsty juqtyrýdyń ósýine baılanysty reseılikterdi revaktsınatsııadan ótýge shaqyrdy. Sońǵy málimetter boıynsha, onda táýligine 6,5 myńǵa jýyq adam aýyrýda. Eń aldymen, qarttarǵa jáne sozylmaly aýrýlary bar adamdarǵa qaıta egý usynylady.

Karıbtiń Angılıa araly vaktsınatsııalanǵan sheteldikterden koronavırýs úshin aldyn-ala testileý nátıjelerin talap etýdi toqtatady. Bul úsh aptadan az ýaqyt ishinde bolady.

Angılıa Týrızm keńesiniń habarlaýynsha, 8 tamyzdan bastap aralǵa kirý úshin vaktsınatsııalanǵan týrısterge koronavırýsqa jaǵyndyny aldyn ala tapsyrýdyń qajeti bolmaıdy. Saıahatshylardan reıske tirkelmes buryn, sodan keıin Angılıa men jaqyn mańdaǵy Sent-Martınge kelgennen keıin ǵana vaktsınatsııa mártebesin rastaýdy suraıdy.

Foto: Mauro Ujetto/NurPhoto via Getty Images