Japonııada bir táýlikte myńnan astam adam koronavırýs juqtyrdy
11:27, 05 Qańtar 2022
TOKIO. Kyodo – QazAqparat – Japonııada koronavırýs juqtyrǵandar sany sońǵy 3 aıdyń ishinde alǵash ret bir táýliktiń ishinde myńnan asty, dep habarlaıdy QazAqparat Kyodo News-ke silteme jasap.
Elde 1268 jaǵdaı tirkeldi. Tokıoda úkimet 151 jaǵdaıdy rastady. Sońǵy ret el astanasynda 8 qazanda 135 adam koronavırýs juqtyrǵan bolatyn. Seısenbi kúni Osaka prefektýrasynda 124 adamnyń indetke shaldyqqany habarlandy. Bul óńirde 14 qazannan beri alǵash ret 100-den asyp otyr.
Okınavada prefektýra úkimeti 225 jaǵdaı tirkelgenin habarlady. 16 qyrkúıekten bastap Omicron shtamyn 200-den astam adam juqtyrǵan.
Tokıoda jáne Japonııanyń basqa jerlerinde COVID-19 juqtyrǵandar sany ósip jatyr.