Japonııada bıologııalyq belsendi qospa qabyldaǵan eki adam qaıtys boldy

<p>ASTANA. KAZINFORM &ndash; Japonııada Kobayashi kompanııasynyń qyzyl ashytqy kúrish qospasyn tutynǵan eki adam qaıtys bolyp, júzden astam adam aýrýhanaǵa jatqyzyldy, dep habarlaıdy Kyodo News aqparat agenttigi.</p>

Osy qospalardy qabyldaǵannan keıin aýrýhanaǵa jatqyzylǵandar sany 106 adamǵa deıin ósti.
Ekinshi ólim jaǵdaıy Densaýlyq saqtaý mınıstrligi jáne tutynýshylar isteri basqarmasy ókilderiniń farmatsevtıkalyq kompanııa ókilderiniń qatysýymen ótken tyńdaýdan keıin rastaldy.
Buǵan deıin quramynda beni-koji – qyzyl ashytqy kúrishi bar qospalardy qabyldaǵannan keıin 76 adamnyń aýrýhanaǵa túskeni jáne bir adamnyń qaıtys bolǵany týraly habarlanǵan.
Aqparatqa sáıkes, qaıtys bolǵan adam choleste help-ti turaqty túrde iship júrgen jáne kompanııa bul qospalardy qoldaný men ólim arasyndaǵy sebeptik baılanysty qarastyrýda. Kobayashi Pharmaceutical ótken aptada bes ónimdi, onyń ishinde beni-koji choleste help-tiń 300 myń qaptamasyn óz erkimen qaıtaryp aldy.

Kobayashi Pharmaceutical kompanııasy onyń beni-koji ónimin alǵan barlyq kompanııalardan quramynda birdeı ıngredıent bar ónimderdi óz erkimen qaıtaryp alýdy surady, sonyń ishinde sake, kondıterlik ónimder, nan jáne mıso ónimderi bar.