Japonııada 80 jastaǵy áıelge bir kúnde vaktsınanyń eki dozasy egilgen

TOKIO. QazAqparat – Japonııanyń ortalyq bóliginiń Aıtı prefektýrasyndaǵy Toehası qalasynda aýrýhana qyzmetkeri qatelesip, 80 jastaǵy jergilikti turǵynǵa bir kúnde amerıkandyq-germanııalyq Pfizer jáne BioNTech konsortsıýmy vaktsınasynyń eki dozasyn saldy. Bul týraly QazAqparat Kyodo agenttigine silteme jasap habarlaıdy.

Dáriger sol kúni basqa medıtsınalyq qyzmetker ekpe salǵan áıeldiń jeke kýáligin teksermegen. Bul rette vaktsınany qaıta egý janama áserin tıgizgen joq, degenmen aýrýhana qyzmetkerleri egde jastaǵy áıeldiń densaýlyq jaǵdaıyn qadaǵalaýda.

Pfizer jáne BioNTech keńesteri boıynsha, vaktsınanyń eki dozasy úsh aptalyq ıntervalmen salynýy tıis.

Japonııada vaktsınalaý naýqany aqpan aıynyń ortasynda bastalǵan. Qazirgi kezde tolyq ımmýndaý 4,8 mln medıtsınalyq qyzmetkerdiń tek 1,2 mln arasynda ǵana júrgizilgen (halyqtyń 1 paıyzǵa jýyǵy).

12 sáýirde elde 65 jastan asqan turǵyndarǵa ekpe salý bastalǵan. Qazirgi kezde bul sanattaǵy 400 myń adamǵa vaktsınanyń birinshi dozasy jáne 15 myń adamǵa – ekinshi doza egilgen.