Japonııada 5,1 baldyq jer silkinisi boldy

<p>ASTANA. KAZINFORM &ndash; Tokıonyń soltústik-shyǵysynda 5,1 baldyq jer silkinisi tirkeldi. Tsýnamı týraly eskertý jarııalanǵan joq. Bul týraly<a href="https://english.kyodonews.net/news/2024/08/fb9624b80d40-update1-m51-quake-jolts-areas-northeast-of-tokyo-no-tsunami-warning-issued.html" target="_blank" rel="noopener"> Kyodo News</a> jazdy.&nbsp;</p>

Jer silkinisi túngi saǵat 00:50-de Ibarakı prefektýrasynda tirkeldi. Japon meteorologııalyq basqarmasynyń málimeti boıynsha, ol Hıtachı qalasynda Japonııanyń 7 baldyq seısmıkalyq oqıǵa qarqyndylyǵy shkalasy boıynsha 5-ten tómen jáne jaqyn mańdaǵy Takahagıde 4-ten tómen boldy. 

Jergilikti polıtsııanyń habarlaýynsha, prefektýrada zardap shekkender týraly aqparat joq. 

– Jer silkinisi «Tokaı-2» atom elektr stantsııasyna áser etken joq, - dep habarlady stantsııa operatory.

Buǵan deıin Japonııa jaǵalaýynda magnıtýdasy 5,2 bolatyn jer silkinisi bolǵany habarlanǵan, onyń oshaǵy 122 myńǵa jýyq adam turatyn Kısarazý qalasynan ońtústik-shyǵysqa qaraı 396 shaqyrym jerde ornalasqan.