Japonııa jeke týrıster úshin shekarany ashady

NUR-SULTAN. QazAqparat – Japonııa búginnen bastap jeke týrısterdiń elge kirýine ruqsat beredi. Biraq, bul ruqsattyń óz betimen saıahattaýshylarǵa qatysy joq. Bul týraly COVID-19 taralýyna jol bermeý jónindegi vedomstvoaralyq komıssııanyń telegram kanalynda jarııalandy, dep habarlaıdy QazAqparat.

Jergilikti BAQ-tyń úkimet ókiline silteme jasap habarlaýynsha, sheteldikter Japonııaǵa toptyq sapar sheńberinen tys bara alady, biraq onyń ózindik sharty bar. Saıahattaýshy áýe bıletteri men turatyn jerine týragenttik arqyly tapsyrys berýi tıis. Bul jaǵdaıda týrıstik agenttikter saıahatshynyń naqty ornalasqan jerin bilip otyrmaq. Kompanııalardyń mindetterine áleýmettik qashyqtyq qaǵıdalary týraly aqparat berý de kiredi. Eger qonaqtar aýyryp qalsa, agenttikter arada baılanys ornatýshy bolady.

Týrıstik agenttikter usynbaǵan turǵyn úıde, mysaly jeke páterler men shaǵyn qonaq úılerde turǵysy keletin saıahatshylarǵa elge kirýge ruqsat berilmeıdi.

Sonymen qatar, 7 qyrkúıekten bastap el kún saıyn 20 emes, 50 myń kelýshini qabyldaýdy josparlap otyr.