Japonııa týrıster úshin karantın talaptaryn aıtarlyqtaı jeńildetti
09:18, 11 Qazan 2022
TOKIO. Kyodo- QazAqparat – Endi Japonııaǵa keletin shetel azamattary týrıstik toptardyń quramynda emes, el boıynsha qaıtadan jeke saıahattaı alady. Japonııamen vızasyz rejım kelisimi bar elderden keletin týrıster úshin vıza alý talaby da joıyldy, dep habarlaıdy QazAqparat Kyodo aqparat agenttigine silteme jasap.
Agenttiktiń habarlaýynsha, 11 qazannan bastap bıznes jáne bilim berý maqsatynda kirýge qatysty qoldanylǵan shekteýlerdiń kóbi alyndy. Japonııaǵa kúnine 50 myń adamǵa deıin ǵana kirý týraly shekteý alynyp tastaldy.
Sonymen qatar elge keletinder úshin vaktsınatsııa týraly qujatyn usynsa nemese qolynda 72 saǵat buryn tapsyrǵan PTR testi bolsa mindetti karantın talaptary joıylady.
Foto:english.kyodonews.net