Japonııa turǵyndarynyń sany 2070 jyly 30% qysqarady – boljam

TOKIO. ANADOLY. QazAqparat – Japonııa turǵyndarynyń sany aldaǵy 50 jylda úsh esege qysqarady jáne 87 mln adam bolady. Bul týraly QazAqparat Túrkııanyń Anadoly agenttigine silteme jasap habarlaıdy.

Bul málimetterdi Japonııanyń Densaýlyq saqtaý, eńbek jáne ál-aýqat mınıstrliginiń Turǵyndar jáne áleýmettik qaýipsizdik salasyndaǵy zertteýler ulttyq ınstıtýty jarııalady.

Osylaısha, 2070 jyly Tynyq muhıty eliniń turǵyndar sany 2020 jylǵy kórsetkishten 30 paıyzǵa kemıdi.

Jańartylǵan boljam boıynsha, 2020 jyly 126,1 mln adamdy quraǵan Japonııa turǵyndarynyń sany 2056 jyldyń ózinde 100 mln adamǵa jetedi.

Elde turyp jatqan sheteldikter sany (3 aıdan astam ýaqyttan beri turyp jatqan stýdentter, jumysshylardy qosa alǵanda) 2020 jyldan 2070 jylǵa deıin 2,2 paıyzǵa ulǵaıyp, 10,8 paıyzdy quraıdy.

Boljamǵa sáıkes, 2022 jyly jylyna 800 myńǵa tómendegen týý kórsetkishi 2043 jyly 700 myńnan da az bolady. Al 2070 jyly 500 myńnan tómen quldyraıdy.

Japonııanyń álemettik qamtamasyz etý júıesin ustap turǵan jasy 15 pen 64 aralyǵyndaǵy el turǵyndary 2020 jyly 75 mln adam bolǵan. Instıtýt boljamy boıynsha, 2070 jyly bul segment 45,3 mln-ǵa jetedi.