Japonııa premer-mınıstri Ortalyq Azııaǵa 50 japondyq kompanııa ókilin alyp keledi

<p>ASTANA. KAZINFORM &ndash; 9 tamyzda Japonııa Premer-Mınıstri Fýmıo Kıshıda túrli saladaǵy 50 kompanııadan turatyn úlken delegatsııamen Orta Azııaǵa saparlaıdy. Bul týraly <a href="https://www3.nhk.or.jp/nhkworld/ru/news/20240807_01/" target="_blank" rel="noopener">NHK World JAPAN</a> basylymy jazdy.</p>

Fýmıo Kıshıda Qazaqstan men Ózbekstanǵa keledi, eki el basshylarymen kezdesedi, aımaqtyq sammıtke qatysady jáne basqa da kelissózder júrgizedi.

Japondyq kompanııalar Ortalyq Azııa kompanııalarymen jańa kelisimsharttar jasaýy kútilýde. Yntymaqtastyqtyń negizgi baǵyttary dekarbonızatsııany, tsıfrlyq densaýlyq saqtaý qyzmetterin jáne basqa da ozyq tehnologııalardy engizý bolyp tabylady. Japonııa japondyq kompanııalardy Ortalyq Azııaǵa belsendi ınvestıtsııalaýǵa yntalandyrýdy josparlap otyr. 300 mıllıard ıen kóleminde bes jyldyq nesıe jelisi ashylady.

Tokıo strategııalyq paıdaly qazbalarǵa baı aımaqqa jahandyq qyzyǵýshylyqtyń aıtarlyqtaı artyp jatqan kezde Orta Azııadaǵy yqpalyn kúsheıtýdi kózdeıdi.

Aıta keteıik, 8-10 tamyzda Astanada Ortalyq Azııa elderiniń basshylary kezdesedi. Onda prezıdentterdiń jyl saıynǵy konsýltatıvtik kezdesýi men «Ortalyq Azııa+Japonııa» sammıti ótedi.

Buǵan deıin Japonııa Ortalyq Azııaǵa ekonomıkalyq kómek paketin jarııalaıtynyn habarlaǵan edik.