Japonııa premer-mınıstri Isıba Tramppen sóıleskennen keıin ony jyly shyraıly dep atady

<p>ASTANA. KAZINFORM &mdash; Japonııa premer-mınıstri Sıgerý Isıba AQSh-tyń saılanǵan prezıdenti Donald Tramppen telefon arqyly sóılesý barysynda ekijaqty alıansty nyǵaıtýǵa kúsh salatynyn rastap, jaqyn arada kezdesý ótkizýge kelisti, dep habarlaıdy <a href="https://english.kyodonews.net/news/2024/11/d93b2977450d-urgent-pm-ishiba-agrees-during-phone-talks-with-trump-to-meet-soon.html" target="_blank" rel="noopener">Kyodo News</a> aqparat agenttigi.&nbsp;</p>

«Men Tramp jaıly «jyly shyraıly» jáne «men ashyq sóılese alatyn» adam degen áserde qaldym», — dedi Sıgerý Isıba áńgimelesýden keıin.

Isıba Trampty quttyqtap, onyń «Amerıkany qaıtadan uly etemiz» uranynyń Amerıka Qurama Shtattarynda kóptegen adam júreginen ún qatqanyn atap ótti. 

Mınıstrler kabınetiniń bas hatshysy Esımasa Haıasıdiń málimdeýinshe, ekijaqty alıans Japonııanyń syrtqy jáne qaýipsizdik saıasatynyń negizi bolyp qala beretinin jáne eki el erkin jáne ashyq halyqaralyq tártipti qamtamasyz etýde sheshýshi ról atqaratyn jahandyq seriktester retinde yntymaqtastyqty keńeıtedi.

Buǵan deıin habarlanǵandaı, AQSh-tyń burynǵy prezıdenti Donald Tramp saılaýda jeńiske jetip, Aq úıge oraldy. Oǵan berilgen daýystar sany basty qarsylasy Kamala Harrısten basym tústi. 

Eýroparlament fraktsııasynyń teń tóraǵalary Trampty jeńisimen quttyqtady. 

Memleket basshysy Qasym-Jomart Toqaev Amerıka Qurama Shtattary Prezıdentiniń saılaýynda aıqyn jeńiske jetken Donald Trampqa quttyqtaý jedelhatyn joldady. 

Buǵan deıin 1 qazanda Japonııanyń basqarýshy lıberaldy-demokratııalyq partııasynyń (LDP) tóraǵasy Sıgerý Isıba eldiń 102-shi premer-mınıstri bolyp saılandy.