Japonııa premer-mınıstri Fýmıo Kıshıda Qazaqstanǵa keledi
14:22, 26 Maýsym 2024
<p>ASTANA. KAZINFORM — Japonııa mınıstrler kabınetiniń bas hatshysy Esımasa Haıası búgin baspasóz máslıhatynda premer-mınıstr Fýmıo Kıshıda tamyz aıynda Ortalyq Azııanyń bes elimen ótetin sammıtke qatysý úshin Qazaqstanǵa keletinin habarlady.</p>
Japonııanyń Kyodo News habarlaýynsha, Esımasa Haıası Japonııanyń 2004 jyly Ortalyq Azııanyń bes elimen syrtqy ister mınıstrleriniń kezdesýi mehanızmin iske qosqanyna 20 jyl ótkenin atap ótti. Esımasa Haıası Japonııanyń Ortalyq Azııanyń bes elimen qarym-qatynasy týraly aıtty.
«Dostyq pen ózara senimge negizdelgen áriptestik pen ózara tıimdi yntymaqtastyq tereńdeı tústi», - deıdi ol.
Esımasa Haıası sondaı-aq Reseıdiń Ýkraınaǵa áskerı shabýylyn eskere otyryp, erkin jáne ashyq zań ústemdigine negizdelgen halyqaralyq tártipti saqtaý jáne nyǵaıtý úshin Ortalyq Azııa elderimen yntymaqtastyq burynǵydan da mańyzdy ekenin aıtty.