Japonııa ofıtseri AQSh-taǵy ushaq apatynan qaza tapty
15:59, 20 Aqpan 2021
TOKIO. Kyodo News - QazAqparat - Senbide Japonııanyń qorǵanys mınıstrligi AQSh áskerı ushaǵy jattyǵýlar kezinde Alabama áýejaıynyń janynda apatqa ushyrap, saldarynan bortynda eki adam, sonyń ishinde Japonııanyń ózin-ózi qorǵaý kúshteriniń múshesi qaza tapqanyn málimdedi, dep habarlaıdy QazAqparat Kyodo News-ke silteme jasap.
Mınıstrliktiń habarlaýynsha, ASDF ofıtseri, aǵa leıtenant, Montgomerı áýejaıyna bet alǵan AQSh-tyń áýe kúshteriniń T-38 ushaǵynyń bortynda bolǵan. Apattyń sebepteri anyqtalǵan joq.
Mınıstrliktiń málimetinshe, Mıssısıpıdegi Kolýmbýs áýe kúshteriniń bazasyna tıesili ushaq áýejaıdan shamamen 3 km qashyqtyqta 17:00 shamasynda qulaǵan.
Mınıstrlik ASDF múshesi Japonııanyń ortalyq Sıdzýoka prefektýrasyndaǵy Hamamatsý áýe bazasyna tıesili jáne AQSh-ta shamamen eki jyl oqydy dep málimdedi.
BAQ-tyń habarlaýynsha, T-38 oqý-jattyǵý ushaǵy bazanyń 14-shi ushý jattyǵý qanatyna bekitilgen. Qanat bakalavrıat ushqyshtaryn oqytýǵa mamandandyrylǵan.