Japonııa qonaqúıindegi bassyz dene: eki kúdikti qamaýǵa alyndy

SAPPORO. QazAqparat - Osy aıdyń basynda Japonııanyń Sapporo qalasyndaǵy qonaqúılerdiń birinde er adamnyń basyn kesip tastady degen kúdikpen jas áıel men jergilikti dáriger, qyzy men ákesi qamaýǵa alyndy, dep habarlaıdy QazAqparat Kyodo agenttigine silteme jasap.

Polıtsııa 2 shilde kúni qonaqúı nomeriniń vanna bólmesinde jalańash ári basy joq kúıde tabylǵan jábirlenýshi - 62 jastaǵy Hıtoshı Ýramen áıel arasyndaǵy qarym-qatynasty tekserip jatyr.

Polıtsııa 59 jastaǵy jergilikti dáriger Osama Tamýra men onyń 29 jastaǵy qyzy Rýnany marqummen ne baılanystyrǵanyn da tekserýde.

Polıtsııa Rýna men Ýranyń bir-birin tanıtynyn anyqtady, biraq eki kúdiktiniń kinásin moıyndaǵanyn aıtýdan bas tartty.

Máıitti tekserý barysynda adam ólimine pyshaq jaraqatynan qan ketip, gemorragııalyq shok sebep bolǵany anyqtaldy. Ýranyń basyn pyshaqpen kesip, oqıǵa ornynan alyp ketken.

Ýra jáne taǵy bir adam 1 shilde kúni jergilikti ýaqyt boıynsha 22:50 shamasynda Sapporodaǵy qonaqúıge tirkelgen. Kelesi kúni túngi saǵat 2 shamasynda bólmeden bir adam jalǵyz shyqqan.

Qonaqúı bólmesine kirgen kezde Ýranyń qasynda bolǵan adam qysqa boıly, keń jıekti qalpaq pen ashyq tústi áıel kıiminde bolǵan. Al túngi saǵat 2-de shyqqan adam qara kıim kıgen, dep habarlady tergeý organdary.

Ýranyń máıiti keıinirek, 2 shilde kúni qonaqúı qyzmetkeri taýyp aldy. Ol Ýranyń kúni boıy bólmesinen shyqpaǵanynan kúdiktenip, bólmeni tekserýge kelgen.

Oqıǵa Sýsýkıno qalasynyń mańynda boldy, onda az ýaqyt turýǵa arnalǵan «mahabbat qonaqúıleri» kóp.

Aıta keteıik, buǵan deıin Japonııada qonaqúıden basy joq máıit tabylǵanyn jazǵan bolatyn.