Japonııa Qazaqstannyń burynǵy elshilerin memlekettik ordenmen marapattady
10:10, 05 Qarasha 2021
NUR-SULTAN. QazAqparat - Japonııa Úkimeti Uly Mártebeli Imperator Narýhıtonyń atynan Qazaqstannyń Kanadadaǵy Elshisi Aqylbek Kamaldınovty jáne Qazaqstannyń Grekııadaǵy Elshisi Erlan Baýdarbek-Qojataevty «Kúnshyǵys, Altyn jáne Kúmis Juldyz ordenimen» marapattady. QazAqparat bul týraly QR-dyń Japonııadaǵy elshiligine silteme jasap habarlaıdy.
Japonııa Syrtqy ister mınıstrliginiń saıtynda otandyq dıplomattardyń Qazaqstan men Japonııa arasyndaǵy ekijaqty yntymaqtastyqty nyǵaıtýǵa jáne dostyqty tereńdetýge qosqan úlesteri úshin marapattalǵany atap kórsetilgen.
A. Kamaldınov 2007-2016 jyldary Qazaqstannyń Japonııadaǵy Elshisi, 2016-2018 jyldar aralyǵynda Syrtqy ister mınıstriniń orynbasary qyzmetin atqarǵan.
E. Baýdarbek-Qojataev 2016-2021 jyldary Qazaqstannyń Japonııadaǵy Elshisi bolyp, 2017-2021 jyldar aralyǵynda Japonııanyń Tokaı ýnıversıtetinde shaqyrylǵan professor qyzmetin atqarǵan.
Marapattalǵan dıplomattar japon jáne aǵylshyn tilderin meńgergen.