Japonııa elshiligi Almatydaǵy pallıatıvtik kómek kórsetý ortalyǵyna 119 fýnktsıonaldyq kereýet syılady
Bul týraly búgin jýrnalıstermen bolǵan kezdesýde osy mekemeniń bas dárigeri Sulý Sadyqova málim etti.
Onyń aıtýynsha, buǵan deıin ortalyqtaǵy kereýetterdiń 30 paıyzy ǵana fýnktsıonaldyq, al qalǵandary kádimgi jáı kereýetter bolǵan eken.
«Biz ótken 2013 jyldyń sońynda Japonııa Úkimetiniń «Shóp tamyry» dep atalatyn baǵdarlamasynyń baıqaýyna qatysýǵa ótinim berdik. Úsh mekeme jeńip shyqty. Bireýi - bizdiń pallıatıvtik kómek kórsetý ortalyǵy. Búgin mine Japonııanyń Qazaqstandaǵy elshisi bizge úlken syılyqpen kelip otyr. 119 fýntsıonaldy kereýet ortalyqqa tegin berildi. Qazir biz olarǵa naýqastarymyzdy jatqyzyp ta qoıdyq. Kereýetter óte yńǵaıly. Negizi bizdegi naýqastardyń 70 paıyzdan astamy qaterli isiktiń eń sońǵy 4 kezeńine shaldyqqandar. Qalǵandary basqa da aýrýlardyń saldarynan tósek tartyp jatyp qalǵandar. Sondyqtan biz naýqastarǵa osy jerde kútim kórsetip, jaǵdaılaryn jeńildetýge barynsha kúsh salamyz. Olarǵa basqalaı hırýrgııalyq nemese hımııalyq emder qoldanylmaıdy. Sol úshin de naýqastardyń jatyp-turýlaryna jáne olarǵa em-dom jasaýǵa yńǵaıly fýntsıonaldyq kereýetter óte qajet boldy. Ony bıiktetýge, tómendetýge nemese burýǵa bolady. Naýqastar úshin de, dárigerler úshin de barlyq qajetti tetiktermen qamtamasyz etilgen» - deıdi Almaty qalalyq pallıatıvtik ortalyǵynyń bas dárigeri Sulý Sadyqova
Japonııanyń Qazaqstandaǵy tótenshe jáne ókiletti elshisi Masaesı Kamoharany ortalyq ujymy zor qýanyshpen qarsy aldy.
Elshi óz sózinde «Shóp tamyry» baǵdarlamasynyń tarıhyna basa toqtaldy.
«Japonııa Úkimetiniń «Shóp tamyry» dep atalatyn áleýmettik baǵdarlamasy adam ómirin jaqsartýǵa baǵyttalǵan. Bul jerde biz úkimettik emes uıymdarǵa da qoldaý kórsetemiz. Baǵdarlama 1997 jyly qolǵa alynǵan. Sodan beri Qazaqstanda atalmysh baǵdarlamanyń 70 jobasy júzege asyryldy. Olardyń basym bóligi bilim berý jáne densaýlyq saqtaý salasyna baǵyttaldy. Al myna joba naýqastardyń jaǵdaıyn, emdelýin barynsha jaqsartýǵa arnalǵan. Onymen qatar bul jobanyń taǵy bir maqsaty - ortalyq qyzmetkerleriniń eńbek jaǵdaıyn jeńildetý jáne olardyń naýqastarǵa qaýipsiz kútim jasaýyn qamtamasyz etý. Bizdiń baǵdarlamanyń bıýdjeti - 100 myń dollar. Osy bıýdjet sheńberinde baıqaý ótkiziledi. Onda jeńip shyqqan mekemelerge, uıymdarǵa osy bıýdjettiń sheńberinde ǵana kómek kórsetiledi. ıAǵnı, grant beriledi. Endi osy fýnktsıonaldy kereýetterdiń arqasynda ortalyqta kóp másele sheshiledi degen úmittemin»- dedi óz sózinde Masaesı Kamohara.
Aıta keteıik, bir fýnktsıonaly kereýettiń baǵasy 125 myń teńge turady.
Kezdesý sońynda elshi ortalyq basshylyǵymen jáne Almaty qalalyq densaýlyq saqtaý basqarmasynyń ókilderimen birge palatalardy aralap, naýqastardyń jaǵdaıyn surady. Syrqattar jańa kereýettiń artyqshylyqtaryna aıtyp, oǵan alǵystaryn bildirdi.