Japonııa áýejaılarynda bet-álpetti taný júıesi engizildi

ChIBA. Kyodo-QazAqparat – Japonııanyń Narıta jáne Haneda áýejaılarynda bet-álpetti tolyq taný júıesi engizildi. Onyń kómegimen halyqaralyq saıahatshylar joljúkti tirkegennen keıin baqylaý-ótkizý pýnktinen tólqujat pen áýe bıletterin kórsetpeı-aq óte alady. Bul týraly QazAqparat Kyodo agenttigine silteme jasap habarlaıdy.

Jolaýshylardy ushaqqa otyrǵyzý protsesi men olardyń jaılylyǵyn qamtamasyz etýge baǵyttalǵan «Face Express» júıesine jolaýshylar áýejaıǵa kelgennen keıin tólqujat pen otyrǵyzý talondaryn tirkeý kezinde sýretke túsýi qajet.

Joljúkti tirkeý kezinde arnaıy termınaldardyń kómegimen kerekti derekter engizilgennen keıin baqylaý-ótkizý pýnktterine kirer bette jáne ushaqqa otyrǵyzý kezinde avtomatty túrde jolaýshylardyń tulǵasy tekserilip otyrady, dep málimdedi Narita International Airport Corp. kompanııasy.

Júıe sáýirde Narıta áýejaıynyń qyzmetkerleri bet-álpetti taný júıesin synaqtan ótkizgennen keıin baryp tolyq qoldanysqa engizildi.